Blog, Body Shape by Sarah

News

Neuigkeiten, Tipps, Trainingsfortschritte etc.

*NEWS* Wie die einte oder andere scho wüsset, han ich e neui Arbetsstell und zwar wird ich abem 01. August 2017 im Infeel Fitness und SPA in Reichenburg SZ schaffe. Ich freue mich sehr fest uf die neu Useforderig und en ganz neue Lebensabschnitt. Ich wird dete als Fitnessinstruktorin tätig sie und bin gspannt was uf mich zue chunt .

Natürlich wird ich mis Body Shape by Sarah witterhin mache. Aber au dete wirds bald gueti News ghä.

Details: Geschrieben von Sarah; Veröffentlicht: 14. Juli 2017

Mini liebe Chundinne und Chunde und Mitleser. Mich ziehts für es Zitli id Ferie☀️. Vom 09.März bis am 03.April wird ich abwesend sie. Falls öpert no Interesse het für en Ernährigsberatig, oder es Training oder es Nahgspröch, es Kontrolltraining oder en usstellig voneme Guetschii, meldet eui no früäzitig. Ha no paar Termine frei.

Details: Geschrieben von Sarah; Veröffentlicht: 06. März 2017

Motivation isch eis vom wichtigste wos brucht zum sini Ziel erreiche. Ich gseh das immer wieder bi mine Chundinne und Chunde. Ned ufghä und immer wieder zrug uf d'Spur cho wo zum Ziel füehrt. Uf min Buch bini stolz, sehr stolz. Er isch aber au mini absoluti Stärchi. Scho immer gsi. Mini Bei sini mini Schwächi. Sie veränderet sich langsam, sehr langsam. Ich muess mich aber mit dem abfinde. Machi au. Jede Mensch het Schwächene und Stärchene und das au bim Körper. Und die set mehr akzeptiere. Es brucht Ziit, Geduld, Motivation, en richtigi gsundi und usgwogni Ernährig, gnueg Esse(was viel ned machet), es guets Usduurtraining und viel frei Üebige ohni Grät. Machets mit Spass und ned Verbisseheit. Weni vo Ziit rede, redi ned vo paar Mönet, sondern vo Jahre. Nämet eui die Ziit. Euse Körper isch kei Maschine wo sich eifach umstellt. Er muess sich au a die neu Umstellig gwöhne und mit dem klar cho. Somit wünschi eu es schöns Weekend und machets guet.