Hallo mitenand

I han sitemem Ziitli müeh gha mit mim Üssere. Bin nümm recht zfriede gsii mit minre Figur und han mich teilwis au gschämt defür, wemmr mit anderne am bädele gsii isch.
Immer wieder hani versuecht selbr öbbis dra zändere. Jedoch sind das immr nume so Ferievorsätz gsii und au debi blibe. Wenni mir zum Ziel gno han mich meh zbewege hanis nur churzi Ziit chenne umsetze, denach hetts a minere Motivation und am Durchhaltewille gfehlt. Immer wieder hani Usrede gha zum mich nöd müesse zbewege und Sport azfange.

Da e Kollegin vo mir scho super Erfolg gha hett mitem Programm vo de Sarah, hett mich das umso meh motiviert öbis zverändere. Drufab hani mi bi de Sarah gmulde, und scho glii en Gspröchstermin bechoo. Ihri offeni, herzliche und motivierendi Art hett mich sofort überzügt und i han richtig Luscht und Freud ah mim Ziel zschaffe. Wies halt so isch han au ich Höch und Tüfs gha mit abneh und em Sportprogramm. Es isch nid immer eifach gsii, wenn mr sich anders gwöhnt gsii isch. De Mensch isch halt es Gwohnheitstier. Aber han doch nie ganz mini Motivation verlore. En grossi Untersützig isch debi dSarah gsii, dur es gmeinsams Motviationstraining zwüschedine hett sie mir en wiitere Kick geh zum vorwärts mache. Witter sind au die huufe positivie Feedbacks vo mim Umfeld sehr hilfrich gsi um nid so schnell ufzgeh.